JAMII YATAKIWA KUWA NA MTAZAMO TOFAUTI KWA WATU WLIO NA MAAMBUKIZI YA VIRUSI VYA UKIMWI

Jamii imetakiwa kuwa na mtazamo tofauti kwa watu wanaoishi na maambukizi ya virusi vya UKIMWI  na
kuhakikisha wanaishi kwa furaha bila kunyanyapaliwa na watu
wanaowazunguka.

Hayo yamesemwa na mke wa mtoto wa Mfalme wa norway, mette-marit ambaye

pia ni balozi wa kimataifa wa shirika la umoja la kupambana na UKIMWI na

(UNAIDS) wakati alipokuwa akizungumza na waandishi wa habari

kuhusu kazi anazozifanya kwa UNAIDS kama balozi ambaye anazunguka maeneo

mbalimbali duniani ili kuelimisha jamii kuhusu UKIMWI.

Mette-Marrit amesema kuwa watu wenye UKIMWI ni kama watu wengine hivyo

wana haki ya kupata huduma bila kunyanyapaliwa ili waweze kuishi kwa

uhuru kama watu wengine na ili kufanikisha hilo ni wajibu wa kila mtu

kuwasaidia waathirika.

Amesema watu kuwa na UKIMWI sio mwisho wa maisha inatakiwa kwanza jamii

kuwa na mtazamo tofauti na inatakiwa kila mtu kusaidia mapambano ya

UKIMWI sio jambo la mtu mmoja mmoja.

Naye mwenyekiti wa Tume ya Taifa ya kudhibiti UKIMWI (TACAIDS), Dkt.

Fatma Mrisho amesema Serikali imekuwa ikifanya jitihada mbalimbali ili

kupambana na ugonjwa huo lakini pia ili kufanikisha mapambano hayo wanahitaji

kushirikiana na Taasisi ambazo zitawasaidia katika mapambano hayo.

Dkt. Mrisho amezitaka Serikali za mitaa kuacha kusubiri mpaka Serikali

ipeleke pesa ndiyo wawasaidie watu wanaoishi na UKIMWI na hivyo waweke

utaratibu wa kutumia sehemu ya mapato yao ili kusaidia mapambano hayo.

Amesisitiza kuwa  Serikali haijalala katika mapambano tunahitaji

kushirikiana na Taasisi ambazo zinatusaidia kupunguza maambukizi mapya

na tunaona Mette-Marit amekuwa akifanya jambo zuri anazunguka sehemu

nyingi ili kusaidia kupunguza maamukizi mapya ya ukimwi.