Katika hali isiyo ya kawaida wananchi wa mtaa wa samina kata ya mtakuja wilaya
na Mkoa wa Geita wamejikuta wakiingiwa na taaruki ni baada ya mti
mbwa ulionguka kwa kipindi cha miaka mitano iliyopita kukuta
umesimama wenyewe.
Baadhi ya wananchi katika Mkoa wa Geita na Viunga vyake wamechimba mizizi
ya mti huo pamoja na kuchukua magome yake kwa madai ya kwenda kuomba matatizo
yao.
wananchi waliokuwepo kwenye eneo la tukio walisema kuwa mti
huo ulianguka tangu mwaka 2011 na jana majira ya saa sita mchana walipata
habari kuwa mti huo umesimama
Mwenyekiti wa mtaa huo John Barenge pamoja na mzawa mmoja Abudara
wamesema sehemu hiyo wazee wa zamani walikuwa wanaitumia kwa ajili ya matambiko
kwa kutibu watu.
Diwani wa kata ya mtakuja Constatine Molandi amewataka wananchi
wake kutotumia mizizi na magome ya mti huo kwa ajili ya kunywa kwani
hakuna anayejua madhara ambayo yanaweza kujitokeza .
Baadhi ya wazee ambao awakutaka kuchukuliwa sauti zao wala
kuandikwa majina yao wamesema kuwa mambo haya yanaanza kutokea kwa sababu
imeandikwa kwenye vitabu vya mungu.
No comments:
Post a Comment